ဒီနေ့ခောတ်မှာ ငွေရှာရတာ ပိုခက်လာတယ်လို့ လူတွေကပြောကြတယ်..... ဒါတော့ သေချာမသိဘူး.... ဘာကြောင့်ဆို ဆူမို ဆိုတဲ့ ကျနော်က ခုမှ ၂၀ ကျော်လေးရှိသေးတာကိုး...... ဆူမို မြင်တာကတော့ အိမ်ခြံမြေပွဲစားတော်တော်များများကတော့ ငွေနောက်ကိုလိုက်လို့ ပွဲစားရဲ့ ကျင့်ဝတ်တွေ ပွဲစားတွေရဲ့ သိက္ခာတွေမရှိကြတော့ဘူး.... ( တကယ်သိက္ခာရှိတဲ့ အိမ်ခြံမြေပွဲစားတွေကိုတော့ တောင်းပန်ပါတယ်.....) တခောတ် တခါကဆိုရင် ပွဲစားကြီးတို့ ပွဲကတော်ကြီးတို့ဆိုတာ တကယ့်ကို မျက်နှာကြီး ပိုက်ဆံချမ်းသာပြီး သိက္ခာရှိကြတဲ့သူတွေမလား လူတွေကလည်း အထင်ကြီးလေးစား ပွဲစားကြီး ကြွလာတယ် ပွဲကတော်ကြီး ကြွလာပြီလို့ကို သုံးနှုန်းကြတဲ့အထိ လူတွေက အလေးပေးဆက်ဆံလို့ အလှူတွေမှာဆိုလည်း ပွဲစားကြီး ဘယ်သူ ပွဲကတော်ကြီး ဘယ်သူဆိုပြီး ဂုဏ်ယူဝံ့ကြွားစွာတပ်လို့ ပွဲစားဆိုတဲ့ ဂုဏ်ကို ယူခဲ့ကြရတာကနေ..... ခုများတော့.... ပွဲစားလို့ဆိုလိုက်ရင် နှာခေါင်းရှုံ့သူကရှုံ့..... ဟာ ပါးစပ်ကလေးနဲ့လုပ်စားနေတဲ့သူတွေပါလို့ ဆိုသူကဆို..... အထင်သေးအမြင်သေးသူတွေကသာပိုများလာကြတယ်မလား...... ရှေ့မှာတော့ မဘယ်သူ ကိုဘယ်သူပေါ့.... အယ် နောက်ကွယ်လည်း ရောက်ရော.... ဒီကောင်မ က ဖျံမကြီးပါတို့ ဒီကောင်ကတော့ ဖျံဘဲကြီးပါတို့ဆိုပြီး အတင်းနှပ်ခံကြရတယ်.....
ဘာကြောင့် ဒီ ဆယ်စုနှစ်အတွင်း လူတွေရဲ့အမြင်ဒီလောက်ပြောင်းလဲသွားရတာလဲ..... ဟုတ်ကဲ့ အဖြေကတော့ တစ်ခွန်းတည်းပါ.....
ဥပဒေ မရှိသော်လည်း..... ပွဲစားတို့ စောင့်ထိန်းရတဲ့ ကျင့်ဝတ်သိက္ခာတွေ လိုက်နာရမဲ့ ကျင့်ဝတ်သိက္ခာတွေကို စွန့်လို့ ငွေရပေါက်ဆိုတဲ့ ဂွင်ကိုပဲရှာပြီး ဖျံကျတဲ့ပွဲစားတွေ များလာလို့ပါ..... ပွဲညွှန့်တင်တယ်.... လို့တော့ စာဖတ်သူတို့ ကြားဖူးကြမှာပါ.... ရောင်းတဲ့သူက ပွဲစားကို ဘယ်လောက်ရရင်ရောင်းမယ်လို့ပြောထားတယ်.... ပွဲစားက ဝယ်လက်ကို ရှာပေးတယ်...... ရောင်းသူက ၁၀၀ ဆိုထားတယ်....ပွဲစားက ၂၀၀လောက်ပြောပြီး ဝယ်သူက ၁၅၀နဲ့ ဆစ်တယ်.... အဲဒီမှာ ပွဲတည့်ပြီးပေ့ါဗျာ.... ရောင်းသူကိုတော့ ပွဲစားက ၁၀၀ပဲပေးပြီး ဝယ်လက်ဆီက ၁၅၀ယူလိုက်တယ်...... ၅၀ က ပွဲစားရသွားတယ်...... အဲ ပွဲညွှန့်တင်တာကို လက်မခံတဲ့ ရောင်းသူနဲ့ တွေ့ရင်တော့ ပွဲပျက်တာပေ့ါခင်ဗျာ..... ဒါမှမဟုတ် ရောင်းသူက ပွဲစားကိုယုံလို့ လွှဲထားလိုက်မိရင်တော့ ရောင်းသူနာတာပေါ့ခင်ဗျာ(တစ်ချို့ပွဲစားတွေဆိုရင် ရောင်းသူရဲ့ ယုံကြည်မှုကို အလွဲသုံးစားလုပ်ပြီး ပွဲညွန့်တင်မက ပွဲခပါ ထပ်ယူတတ်ကြသေးဗျာ )..... တစ်ချို့ရောင်းသူတွေကတော့ ပွဲညွန့်ပေးစားတယ်..... ပွဲစားကလည်း ရောင်းသူကို သူပွဲညွှန့်ဘယ်လောက်ယူတယ်ပြောတယ်.... ဒါဆိုရင် အိုကေ.... လက်လွဲရောင်းတယ်.... ဂွင်ရှာတယ်.... ဂွင်ဖန်တယ် ဂွင်တည့်တယ်.... ပွဲစားစကားတွေပေါ့..... ကိုယ်တွေ့ခံထားရတဲ့ ပူပူနွေးနွေး အဖြစ်လေးကို ပြောပြအုံးမယ်..... တစ်ပွဲစားတွေအကြောင်း.....
စာဖတ်သူအပေါင်း ကျန်းမာချမ်းသာပြီး လိုရာဆန္ဓပြည့်ဝကြပါစေ
စာရေးသူ - ဆူမို
No comments:
Post a Comment